Kadalasan ang aking mga paboritong letrato ay aking nakukuha ng hindi ko inaasahan.
Eto ang isang letrato ng tatlong trak na pandeliber ng inumin. Sa larawan na ito ating mapapansin na luma na itong mga ito. Sa katunayan ang gitnang sasakyan ay hila-hila ng malaking trak habang ito ay inaalalayan ng isa pang maliit na trak.
Meron akong mga mumunting kwento na pwedeng maiugnay na sa sasakyan ito.
Unang una ako ay adik sa Coke na tipong pinapalitan nito ang dapat sana'y tubig na aking ininumin sa pang araw-araw. Alam ko ito ay masama para sa aking kalusugan. Kaya aking sinusubukan ito ay bawasan.
Pangalawa sa aming barangay halos lahat ay nangarap na makapag trabaho sa kumpanya ng Coke na malapit lang sa amin.
Sino ba naman ang hindi ma eengganyo kapag ang iyong pagttrabahuhan ay tanyag sa buong mundo.
Maliban dito naging saksi rin ang mga truck na ito sa pag angat sa buhay ng ilan naming kapamilya.
Nagsimula sa simpleng ahente hangang naging bise presidente ng kumpanya para pangasiwaan ang Sales Department.
Ang isa naman ay naging negosyante ng dahil sa naiipon nya bilang pagigigng ahente. Naka pag simula sya ng kanyang mga negosyo.
Simpleng mga bagay na araw araw nating nakikita at binabalewala pero ang dulot nito sa ibang tao ay kaligayahan at pag asenso sa buhay.
No comments:
Post a Comment